جدول المحتويات
يعنى ايه CFA؟
CFA اختصار Chartered Financial Analyst هو برنامج معتمد دوليًا يهدف إلى تأهيل المحللين الماليين والاستثماريين، بيتكون من 3 مستويات تدريجية. البرنامج بيتقدم من معهد CFA Institute ، هو أعلى جهة على مستوى العالم في التمويل و الاستثمار و بيضع المعايير العالمية اللي الجهات الرقابية في جميع الدول بتسعى للالتزام بيها و معايير اداء الاستثمار اللي الشركات بتفتخر انها بتطبقها و كذلك كتير من الجامعات بتتباهى ان برامج البكالريوس و الماجستير فيها بتكافئ منهج الCFA
برنامج CFA يُعتبر المعيار الذهبي في عالم التمويل في العالم كله و بتعادل الماجستير أكاديميا ف دول كتير زى امريكا وكندا وانجلترا ومعظم دول اوروبا و عمليا سوق العمل بيعتبرها أفضل من الدكتوراه. الشهاده بيبتدى معاك من الصفر ف كل حاجه مرتبطه ب التحليل المالى ف ليفيل ١ لحد ماتعرف احدث حاجه ف التحليل المالى ف ليفيل ٣
اجتيازك المستوى الأول Level 1 اللي بيعادل مؤهل فوق المتوسط بيتم استثنائك من اختبار الهيئة العامة للرقابة المالية Egyptian Financial Supervisory Authority EFSA و كتير من الدول التانية بيتم استثنائك من ترخيص مزاولة المهنة و تؤهلك للمناصب الادارية في هيئة سوق المال و ادارة البورصة و ادارة صناديق الاستثمار كمان بيساعدك تبتدى ف اماكن كتير زى البنوك وشركات ادارة رؤوس الاموال وشركات التامين والاستشارات الماليه والشركات ال Multinational
منهج الكورس ف ال ٣ ليفيلات تقريبا متشابه ف كل اليفيلات
مكونات المنهـــج
يتضمن المنهج الدراسي لشهادة CFA في مستوياته الثلاثة مجموعة من الموضوعات التي تُغطي جوانب متعددة من التحليل المالي وإدارة الاستثمارات. يبدأ المنهج بمستوى أساسي يتضمن المبادئ الرئيسية، ثم يتوسع في المستويات الثانية والثالثة إلى مفاهيم متقدمة. ومن هذه الموضوعات:
• أخلاقيات العمل (Ethics)
يتم التركيز على السلوك المهني وأخلاقيات التعامل في الأسواق المالية. دى حاجه مهمه جدا لان كتير من الازمات الماليه الى حصلت ف اخر 50 سنه كان جزء منها هوة عدم احترام اخلاق المهنه والمهنيه ف المجال علشان كدة فيه تركيز كبير فى الشهادة على اية التصرف المثالى معايير الشفافيه الى المفروض المحللين الماليين يتبعوها.
• التحليل الكمي (Quantitative Analysis)
تشمل دراسة الأدوات الإحصائية والرياضية التي بتساعدك في تحليل البيانات المالية واتخاذ قرارات استثمارية مبنيه على دراسات رياضيه. الجزء دة مش بس اهميته فى منهج CFA لكن كمان مرتبط بيكورسات تانيه لتحليل المخاطر الماليه زى FRM
• الاقتصاد (Economics)
يركز على دراسة الاقتصاد الكلي والجزئي، وتأثير العوامل الاقتصادية على الأسواق المالية وكيفية تحليلها.
• تحليل القوائم المالية (Financial Statement Analysis)
دراسة مفصلة لتحليل البيانات المالية للشركات، وتقييم أدائها بناءً التحليلات. دة معناه انك هاتعرف كل تفاصيل القوائم الماليه وازاى تدرسها علشان تعرف نقاط الضعف والقوة للشركات. الجزء دة برضو مرتبط بادارات المخاطر والكريدت فى البنوك وكورسات تانيه زى كورس الكريدت الى بيعتبر اساس لاى حد بيشتغل فى بنك فى ادارات المخاطر والائتمان
• التمويل المؤسسي (Corporate Finance)
يعنى بقرارات التمويل الداخلية للشركات وتأثيرها على القيمة الحقيقيه للشركه. الجزء دة مش بس بيساعدك انك تعرف ايه القرارات الى الشركه المفروض تاخدها لا كمان هيفيدك لو انت محلل مالى فى شركه وبتقييم القرارات الى الادراة هتاخدها وتشوف الافضل للشركه.
• الأسهم (Equity)
فيه تقييم الأسهم والأدوات المالية المرتبطة بها، هنا الشهادة بتركزعلى أساليب التقييم المختلفة علشان توصل للقيمه الحقيقيه للسهم والى على اساسه هتاخد قرار بيع او شراء للسهم.
• الدخل الثابت (Fixed Income)
يتعامل مع سوق السندات و الشهادات وكيفية تقييمها وإدارة العوائد المرتبطة بيها.
• المشتقات المالية (Derivatives)
دراسة الأدوات المالية المشتقة مثل الخيارات والعقود الآجلة، وازاى استخدامها في استراتيجيات الاستثمار وتجنب المخاطر.
• الاستثمارات البديلة (Alternative Investments)
تشمل الاستثمارات التي تخرج عن نطاق الأسهم والسندات التقليدية، مثل العقارات وصناديق التحوط.
• إدارة المحافظ (Portfolio Management)
تركز على كيفية إنشاء وإدارة محفظة استثمارية متوازنة تجمع بين العوائد المناسبة والمخاطر المقبولة بناء على كل الحاجات التانيه الى اتعلمتها
فرص العمل بعد اجتياز الشهادة
اجتياز المستوى الأول من CFA يعتبر نقطة انطلاق قوية لوظائف يصعب الوصول إليها من غير الشهادة. في سوق العمل، تعتبر شهادة CFA علامة على الكفاءة المهنية، وتوفر فرص في مجالات مثل البنوك، شركات إدارة الأصول، وشركات التأمين، بالإضافة إلى العمل في الشركات متعددة الجنسيات أو الاستشارات المالية. كمان الطلاب بدأوا في السنوات الأخيرة في التقدم للمستوى الأول قبل التخرج، لان بسبب المنافسه الكبيرة فى سوق العمل كتير بيحاولو يبتدو بدرى قبل التخرج علشان يسهل عليهم المنافسه على الوظائف
تكلفة الامتحانات والمنح
تكلفة الامتحان تختلف حسب المستوى، حيث تبلغ تكلفة التسجيل المبكر للمستوى الأول حوالي 1350دولار، في حين تبلغ تكلفة المستويين الثاني والثالث حوالي 900 دولار لكل منهما في حالة التسجيل المبكر. يوفر CFA Institute منح مالية تُخفض تكلفة الامتحان إلى حوالي 300 دولار في حال تم القبول في المنحة. المنحة بتتتطلب تقديم بيان شخصي يوضح ليه يرغب المتقدم في الحصول على الشهادة، وازاى ستؤثر في مساره المهني.
الشهادة والخبرة
بعد اجتياز كل مستوى، يحصل المتقدم على إفادة رسمية من معهد CFA تؤكد نجاحه في المستوى. وبعد اجتياز المستوى الثالث، يتم إرسال الشهادة النهائية بشرط أن يكون المتقدم أكمل 4 سنوات من الخبرة العملية في مجال التحليل المالي أو مجال ذي صلة. في حال لم يكن المتقدم قد أكمل هذا الشرط وقت النجاح، يمنحه المعهد مهلة 7 سنوات لاستكمال الخبرة والحصول على الشهادة.
